Episode 7.1.a
>Countryside Southwest of Londīnium, Britannia, September 81 CE<
subitō in agrō estis. caelum sine sōle est, et aēr frīgidus. ventus per agrōs movet. nōn iam in Ītaliā estis. multī diēs iam sunt ex illā nocte malā, ex nocte ignis et cineris apud montem. nunc terra alia est, et caelum aliud, et lūx alia.
sed ūnam rem cognōscitis: arbor prope vōs eadem est. nūllus puer in arbore est. vir tamen in arbore est.
vir altē in arbore latet. neque iuvenis neque senex est. vestis eius vetus et sordida est. vir latēre vult, et fugere vult, sed nōn potest. ubi vōs videt, timet.
"st!" mussat vir. "tacēte! potestisne procul stāre? hīc mē cēlāre volō, et illī vōs spectant. nōlō vōbīscum loquī. discēdite!"
vōx eius parva et īrāta est, sed clāmāre nōn audet.
tua persōna aliquid circā collum virī videt. nōn est aurum, sed ferrum. aliquis ferrum in collō eius posuit, grave dūrumque. tāle ferrum līberī hominēs nōn gerunt.
vir monīle ferreum circum collum gerit.
Prompt: Using your knowledge of the institution of slavery, figure out who the man is and what he is doing there. Then try to discover the location of Sinistrus and of any possible Mīlitēs Lapidis contacts.
