Quintus Horatius Flaccus, Epodes 7.1–20
Horace addresses his fellow Romans with an urgent question about their descent into civil war, invoking the mythological curse of Remus and Rome's pattern of internal bloodshed. The poem explores the Romans' complicity in their own destruction.
Tier 1
O improbi viri, quo curritis? Et cur vos gladios manibus dextris habetis?
Nonne satis sanguinis Latini fusum est super campis et mari? Sanguis non fusus est ut Romanus ureret superbam urbem invidae Karthaginis,
neque ut Britannus in vinculis descenderet sacra via, sed ut haec urbs, Roma, sua dextra manu mortua sit sicut Parthi oraverunt?
Neque lupi inter se pugnant neque leones umquam inter se pugnant. Lupi leonesque tantum alia animalia pugnant. Furorne caecus vos rapit? an vis acrior vos rapit? an culpa vos rapit? Respondete!
Viri tacent et albus pallor facies pingit. Concusae mentes eorum stupent. Sic est:
Mala fata et crimen necis fraternae Romanos agunt, ut sanguis Remi, qui sine culpa erat, fluxit in terram sacer nepotibus.
Tier 2
Quo, quo scelesti ruitis? aut cur enses conditi dexteris aptantur?
Parumne Latini sanguinis super campis atque Neptuno fusum est, non ut Romanus superbas arces invidae Karthaginis ureret,
aut ut intactus Britannus catenatus descenderet sacra via, sed ut haec urbs, secundum vota Parthorum, dextera sua periret?
Hic mos fuit neque lupis feris nec leonibus umquam nisi in dispar. Furorne caecus, an vis acrior, an culpa rapit? responsum date.
Tacent et albus pallor ora inficit mentesque perculsae stupent. Sic est:
acerba fata Romanos agunt scelusque necis fraternae, ut cruor inmerentis Remi fluxit in terram sacer nepotibus.
Tier 3 - Carmen Ipsum
- Quo, quo scelesti ruitis? aut cur dexteris
- aptantur enses conditi?
- parumne campis atque Neptuno super
- fusum est Latini sanguinis,
- non ut superbas invidae Karthaginis
- Romanus arces ureret,
- intactus aut Britannus ut descenderet
- sacra catenatus via,
- sed ut secundum vota Parthorum sua
- urbs haec periret dextera?
- neque hic lupis mos nec fuit leonibus
- umquam nisi in dispar feris.
- furorne caecus an rapit vis acrior
- an culpa? responsum date.
- tacent et albus ora pallor inficit
- mentesque perculsae stupent.
- sic est: acerba fata Romanos agunt
- scelusque fraternae necis,
- ut inmerentis fluxit in terram Remi
- sacer nepotibus cruor.
Written by Robert Amstutz