ego canō dē armīs et dē virō. hic vir erat Aenēās. Aenēās Trōiānus erat. Trōia dēlēta est. Aenēās ā Trōiā nāvigāvit et vēnit prīmus ad Ītaliam.

iter eius difficile erat. deī eum in terrīs et in marī vexāvērunt.

Iūnō, rēgīna deōrum, īrātissima erat. Iūnō Aenēam nōn amābat. Aenēās multa in bellō passus est.

tandem urbem condidit et deōs suōs in Latium portāvit. ex Aenēā genus Latīnum vēnit. patrēs Albānī ex eō genere vēnērunt. tandem Rōma condita est, urbs alta.

Mūsa, dīc mihi: cūr Iūnō, rēgīna deōrum, virum pium multīs labōribus vexāvit? cūr tanta īra erat in animīs deōrum?

canō dē armīs et dē virō. hic vir, Aenēās, quī erat exsul fātō, vēnit prīmus ab ōrīs Trōiae ad Ītaliam et ad lītora Lāvīnia.

ille iactātus est multum in terrīs et in marī vī deōrum ob īram memorem saevae Iūnōnis.

Aenēās passus est multa quoque in bellō, dum conderet urbem et deōs in Latium adferret; inde vēnērunt genus Latīnum et patrēs Albānī atque moenia altae Rōmae.

Mūsa, dīc mihi ob quam causam Iūnō, dolēns rēgīna deōrum, impulit Aenēam, virum insignis pietātis, volvere tot cāsūs et adīre tot labōrēs. suntne tantae īrae animīs deōrum?

canō arma virumque, quī, profugus fātō, vēnit prīmus ad Ītaliam et lītora Lāvīnia ab ōrīs Trōiae;

ille iactātus multum terrīs et altō vī superōrum, ob īram memorem saevae Iūnōnis.

passus quōque multa bellō, dum conderet urbem inferretque deōs Latiō; unde vēnērunt genus Latīnum et patrēs Albānī atque moenia altae Rōmae.

Mūsa, memorā causās mihi, quō nūmine laesō aut quid dolēns rēgīna deōrum impulerit virum, insignem pietāte, volvere tot cāsūs, adīre tot labōrēs. suntne tantae īrae animīs caelestibus?

1. arma virumque canō, Trōiae quī prīmus ab ōrīs
2. Ītaliam fātō profugus Lāvīniaque vēnit
3. lītŏra, multum ille et terrīs iactātus et altō 
4. vī superum, saevae memorem Iūnōnis ob īram,
5. multa quoque et bellō passus, dum conderet urbem
6. inferretque deōs Latiō; genus unde Latīnum
7. Albānīque patrēs atque altae moenia Rōmae.
8. Mūsa, mihi causās memorā, quō nūmĭne laesō
9. quidve dolēns rēgīna deum tot volvere cāsūs
10. insignem pietāte virum, tot adīre labōrēs
11. impulerit. tantaene animīs caelestibus īrae?

1. arma virumque canō, Trōiae quī prīmus ab ōrīs
2. Ītaliam fātō profugus Lāvīniaque vēnit
3. lītŏra, multum ille et terrīs iactātus et altō
4. vī superum, saevae memorem Iūnōnis ob īram,
5. multa quoque et bellō passus, dum conderet urbem
6. inferretque deōs Latiō; genus unde Latīnum
7. Albānīque patrēs atque altae moenia Rōmae.
8. Mūsa, mihi causās memorā, quō nūmĭne laesō
9. quidve dolēns rēgīna deum tot volvere cāsūs
10. insignem pietāte virum, tot adīre labōrēs
11. impulerit. tantaene animīs caelestibus īrae?