Iuno dixit:

nunc cedo. pugnas odi et relinquo. sed unum te rogo, Iuppiter, pro Latio et pro gloria tua. lex deorum hoc non vetat:

cum pacem facient et leges iungent; noli iubere Latinos nomen antiquum mutare. noli iubere eos Troianos vocari. noli iubere viros vocem aut vestem mutare.

sit Latium. sint Albani reges per saecula. sit Romana gens potens virtute Italorum.

Troia cecidit. hoc tibi placet, et nomen Troiae cadat.

Iuno dixit:

et nunc equidem cedo et pugnas odens relinquo. illud te oro, magne Iuppiter, pro Latio, pro gloria tuorum, illud quod nulla fati lege tenetur: cum iam pacem nuptiis laetis component, cum iam leges et pacta iungent, ne iubeas vetus nomen Latinos antiquos mutare neu iubeas Troianos fieri Teucrосque vocari aut viros vocem mutare aut vestem vertere. sit Latium, sint Albani per saecula reges, sit Romana gens potens virtute Italorum: occidit Troia, occideritque, sinas. cum nomine eius.

et nunc equidem cedo pugnasque exosa relinquo. illud te obtestor, [magne Iuppiter,] pro Latio, pro maiestate tuorum, [illud] quod nulla fati lege tenetur: cum iam pacem conubiis felicibus component (esto), cum iam leges et foedera iungent, ne [tu] iubeas vetus nomen Latinos indigenas mutare neu [iubeas] Troias fieri Teucrосque vocari aut viros vocem mutare aut vestem vertere. Sit Latium, sint Albani per saecula reges, sit Romana propago potens Itala virtute: occidit, occideritque [Troiam] sinas cum nomine [eius].

813. et nunc cedo equidem pugnasque exosa relinquo.
814. illud te, nulla fati quod lege tenetur,
815. pro Latio obtestor, pro maiestate tuorum:
816. cum iam conubiis pacem felicibus (esto)
817. component, cum iam leges et foedera iungent,
818. ne vetus indigenas nomen mutare Latinos
819. neu Troias fieri iubeas Teucrосque vocari
820. aut vocem mutare viros aut vertere vestem.
821. sit Latium, sint Albani per saecula reges,
822. sit Romana potens Itala virtute propago:
823. occidit, occideritque sinas cum nomine Troia.